dekho us kā hijr nibhānā paḌtā hai vo jaisā chāhe ho jaanā paḌtā hai sunte kab haiñ log hameñ bas dekhte haiñ chehre ko āvāz banānā paḌtā hai in andhe aur bahre logoñ ko sā.īñ hone kā ehsās dilānā paḌtā hai kuchh āñkheñ hī aisī hotī haiñ jin ko koī na koī ḳhvāb dikhānā paḌtā hai is duniyā ko chhoḌ ke jis meñ tum bhī ho jaatā kaun hai lekin jaanā paḌtā hai kuchh phūloñ kī ḳhātir bhī kuchh phūloñ kā sab se achchhā rang churānā paḌtā hai